السلام عليكم ورحمه الله وبركاته..
النهارده جايبالكم وصفة إنما ايه حلوة اوى وهتعجبكم كلنا بنحبها كبار وصغار..
طريقة عمل مربى التين:
الطريقه والمقادير :
كيلو التين له نصف كيلو سكر وعصرة نصف ليمونة
كمية التين اللي حعملها ٥ كيلو غسلتهم برفق وقطعت التينة علي نصفين ولو كبيرة علي اربع تربع احنا بنحب مربي التين يكون فيها تين صحيح مش مهري
وفي حلة تيفال كبيرة بحط التين المقطع باالتبادل مع السكر اللي هو كيسين ونصف كيس سكر وعلي نار متوسطة وبدون مااغطي الحلة وياريت تعملوا المربي وعندكم شغل كتير في المطبخ علشان تتبعوها مع التقليب برفق وتكون الحلة مقاسها مناسب لكمية التين علشان يستوي براحته ومايفورش ويخرج بره الحلة يعني التين ياخد ازيد من نصف ارتفاع الحلة حاجة بسيطة
طريقة عمل مربى المشمش والمشمش المجفف وقمر الدين
السكر حيدوب وحتظهر مية التين واحنا متابعين المربي وحتظهر لنا رغاوي علي السطح لونها ذهبي فاتح نشيلها برفق كل ماتظهر نشيلها لحد ماتظهرش اعصر الليمون علي المربي وكانوا ليمونتين ونصف ليمونة مع التقليب برفق ونوطي النار ونتابع وممكن تظهر الرغاوي تاني بعد وضع الليمون نشيلها عادي لحد ماتظهرش وممكن ماتظهرش
المربي علي نار هادية لحد مانلاحظ ثقل القوام وقلة مية التين بدون ماتلزق في الحلة طبعا
نطفي ونسيبها في حلتها تبرد تمام خالص نبتدي نعبيها في برطمانات زجاج نظيفة وجافة وتحفظ في الثلاجة وياريت الاكل منها علي الاقل بعد نصف يوم
الف هنا ..
تعليقات
إرسال تعليق